جاي "ضيّ"...

نُشِرَت في

خير اللهم اجعله خير 2008 بدأ !..

من بين غصون كتيرة مشبكة.. جاي "ضي”..
صدقوني جاي "ضي”..
هو قال لي إنه جاي..

رغم إن أحزاننا وآهاتنا طالبة
من ضلمة ليالينا
المدد..
ليالي كتير مالهاش عدد..
هو جاي..
ده حلف لي ميت يمين إنه جاي..

تعرف يا "ضي" ؟!
رغم إن القلب بقسوة
ياما اتشال..
وياما اتهبد..
والعقل من كتر الهم والتفكير كَسَد
والجسم صار آيل للـهَدَد
أنا لولا أنت لولا لسة حي ..!

يا “ضيّ”..
تعالى..
قبل ما يكون الوقت فات..
أو شَرَد
أنا في انتظارك
بس تعبت..
ما أقدرش أكمل للأبد..
أرجوك يا "ضيّ"..
وفّي بوعدك أبوس ايديك
والله لأنت جاي..

تعليقات.

تعليقات تاريخية مستوردة من مدوّنة Blogger

  1. moon
    moon
    wallahy hwa gaii, hwa 2ally ana kman enno gaii,, gaii mneen w feen w emta ma2alsh bas el mohem enno gaii :)))

    happy new year with the "daii" ya mos3ab :))
  2. Unknown
    Unknown
    ياخوفى
    شكلك هتصوم تلات أيام يا زعيم

    بس علشان الضمان خليهم أيام
    29-12-2008
    30-12-2008
    31-12-2008
    على فكره انا طبعا مش عوزك تصمهم
    يااااامسهل ادينا مستنيين
  3. Salma Amer
    Salma Amer
    اية الرواقن والابداع ده شكلك بتطلع البدع لما بتصل لقمة التعب بحكم ان انت بقالك يومين مانمتش
    بالنسبة للأستاذ ضي فانا كنت واخدة على خاطري منه لانه اتاخر علينا حبتين وكنت خلاص حرمي طوبته
    بس بيقولوا الغايب حجته معاه
    لذلك أنا بضم صوتي لصوتك وبستحلفة أن يجي واننا لن نفقد الأمل يوم أنه جاي لأنه أكيد أكيد جاي وحينور السما والأرض وبعدين يجلنا ينور قلوبنا قبل عنينا
    وأنا معاك في انتظار الاستاذ ضي
  4. Anonymous
    ان شاء الله جاي "ضي"

    وهيطلع من جوه قلوبنا وراح ينتشر

    ويشيل الظلمة

    ويرجع يكبر يصبح نور حولينا

    نرجع نصحى ونبقى فى نور

    وكل اللى جواه الـ"ضي"


    "بيبو"
  5. TheSane
    TheSane
    أنا جيت اهو
    معلش أتاخرت عليكو
    D:
  6. دوللي
    دوللي
    كل سنة وانت طيب وتكون حياتك كلها ضي
    ربنا يسعدك
  8. nyira_elsheiref
    nyira_elsheiref
    أنا كمان واثقه إنه جى
    وأنتظره على أحر من الجمر
    بس يارب ما يتأخرش
    يحسن خلااااااااص بلغت الروح الحلقوم
  9. mohamed
    mohamed
    مهو الامل في الضي دا هو اللي مصبرنا
  10. شيرين
    شيرين
    مصعب انت أكيد بتهزر.. لا لا بجد بتهزر.. ايييييييييييييه الروعة دي.. بجد أنا متأثرة قوييييييييييي

    أما بالنسبة بقى لمسألة الضي احنا طبعا عارفين انه جاي، بس المشكلة امتى.. امتاااااااااااا
  11. MariumaZ
    MariumaZ
    مصعب ... إنت اللي كاتب ده بجد؟؟؟
    مش مصدقة .. بجد حلوة أوي أوي أوي
    الضي موجود يابني بس احنا مش شايفينه .. بكرة إحنا اللي نفتح ونشوف المستخبي:)
    بجد روعة يا مصعب...
    ياريت نتابع مدونات بعض زي زمان
    ونكتب تعليقات، كل سنة وانت طيب ويارب 2008 يبقى عام حلو علينا كلنا بإذن الله.
  12. MarwaAshraf
    MarwaAshraf
    طول قرائتي للبوست كان بيتردد جوايا سؤال "تفتكر هو جاي؟" وعارف فضل السؤال من غير جواب حتى لما وصلت لأخر جملة برودا فضل سؤالي جوايا بيلح

    تفتكر هو جاي؟؟؟
  13. Mony The Angel
    Mony The Angel
    kol sana wenta tayeb :)
  14. العـابــــــــره
    العـابــــــــره
    الأمل مهما يعاند دربنا
    لعمرنا نحود فى يوم عن حلمنا
    ولو طال ليلناعلينا
    فبكره جاى
    جاى بضى
    تحياتى
    وكل سنه وانت طيب
  15. تــسنيـم
    تــسنيـم
    رائعة بجد

    وما تقلقش جاي


    هو قال
  17. حلم الحرية
    حلم الحرية
    ساعات بيجي بسرعة
    وساعات بيتاخر

    بس الاكيد انه بييجي في الاخر ان شاء الله


    تحياتي
  19. دينا فهمي
    دينا فهمي
    حلوة جدااااااااااااا يا مصعب
  20. sherif
    sherif
    الف الف الف مبروك يا مصاعيبو