أنا جنبه بس...

نُشِرَت في

اتقابلوا مرة

- مالك؟! شكلك مهموم حزين..
= حاسس إني تهت، والهم فوق الكتف زاد

ابتسم له وخده في حضنه

- صدقني يا ابني، طول ما أنت قريب من ربنا ما هتحس باللي أنت بتقوله ده.. قرب منه ده بيحبك وهيمدلك ايديه ويحتويك..

وسابه ومشي، وساب معاه بداية فرج..

بعد سنة في نفس المكان،

- ...
= مالك؟! مهموم حزين.. مش أنت اللي قلت لي إن اللي يقرب من ربنا عمره ما يجيله هم؟!
- ...
= هو أنت ... بعدت؟!
- لا والله.. أنا لسة هناك بس ... (ويسكت منه الكلام)
= بس ايه؟!
- بس سرحت في نور مضلم، ونسيت إنه هو النور.
صدقني..
أنا من ساعتها مابعدتش..
أنا جنبه والله..
أنا بس يمكن نسيت..

تعليقات.

تعليقات تاريخية مستوردة من مدوّنة Blogger

  2. العـابــــــــره
    العـابــــــــره
    ويسكت منه الكلام

    مشاعرها عميقه اوى
    كلمات بسيطه واسلوب ساحر

    تحياتى
    العـابره
  3. محمد السيد..مش حاسكت
    محمد السيد..مش حاسكت
    إيه يا أخي ده ؟؟؟؟

    وقدر ينسي ؟؟ معقولة قدر ؟؟

    ينسي؟؟؟


    خدني معاك جنيه ... ونفكر بعض ...
  4. Omar
    Omar
    انا مش هعلق وانت عارف ليه
    ):
  5. Camellia Hussein
    Camellia Hussein
    يا الله....حلوة أوي وجاتني في وقتها اوي
    حلو تعبير نور مضلم ده أد ما هو بسيط أد ما هومعبر
    روح يا ابني الهي ينورلك طريقك بنور حقيقي دايما....
  6. Amr Magdi
    Amr Magdi
    جميل تعبيرك يا مصعب..

    لي تعليق مفصل ، ربما أكتبه في تدوينة خاصة لاحقا

    ربنا يقويك
  7. marwa salah
    marwa salah
    هو قريب أوووووى بس إحنا اللى محتاجين ناخد بالنا ونحطه فى بالنا

    على طول .. مش وقت ما نتزنق
  9. قضية عم أحمد Ahmed Case
    قضية عم أحمد Ahmed Case
    لو نسيت تبقى انت مش جنبة أصل اللي جنبه عمره ما بينسى

    ده جنبه
  10. دوللي
    دوللي
    مينفعش تكون جمبه وتسرح في نور مضلم لانه وانت معاه مينفعش يكون في ضلمة هو النور
    خليك حنبه بقلبك وعقلك وكل مافيك .
  11. Anonymous
    قصه قصيره ولكن معنيها كبيره وحلوه ده زي العظه وعبره للي بعد ونسى !!! بس في واحد عمره مابنساه مهما بعد ومسيره يرجعه في يوم من الايام.....
  12. None
    None
    بس سرحت في نور مضلم، ونسيت إنه هو النور.

    رائع بجد
    وسلاااااااااااااااام
  13. MarwaAshraf
    MarwaAshraf
    أنا جنبه والله..
    أنا بس يمكن نسيت..

    يااااااه يا مصعب ، إنت جيت على الجرح أوي

    يارب نكون جنبة ونكون فاكرينة

    بجد البوست أثر فيه أوي

    :)
  14. Anonymous
    انا كمان نسيت بس كلي ثقة اني هرجع تاني وانه مش نسيني
  15. leila
    leila
    3aref ana dayman ba7es ennak betkteb elly ana 7assah, ka2enny batkalem b lesanak :))) bgd mahma kont ha7awel a3bar 3an elly 7asah makontesh ha3raf zay manta edert

    "ويسكت منه الكلام"
    yaaaaaaaaaaaaaaaaaaaaahya mos3ab bgd to7faaa :)))
  16. Salma Amer
    Salma Amer
    نور مضلم
    قريت الجملة دي و سرحت و قريتها تاني
    انا حقيقي فهماك قوي قوي وحاسة بالكلام

    النور مش مضلم بس كتر الهم بيخليك تفقد الرؤية احيانا بس انت هنا وما بعتش ولا نسيت أنا متاكدة
    وغمض وفتح حتلاقي نور رجع
    تحياتي من القلب من جوة
  17. Иεşċąfě &иεmö
    Иεşċąfě &иεmö
    المشكله ان كلنا عرفين العلاجلكل مشاكلنا بس للأسف بننسي نأخده بس فعلا هو ربنا عمرة ما نسينا
  18. Oma
    Oma
    more7a awy ya mos3b...te7s enk 3ayz ttnhd kda w t2om te3'sl weshk :)
    ranma ye3ena kolna
  19. عمر محمود
    عمر محمود
    عفواً
    انا مش داخل اعمل إعلان والله
    بس الوقت ضيق
    فاضل على عرفة يوم
    ناويين على إيه

    8 ذى الحجة
  20. Anonymous
    اللهم انت ربي لا إله الا انت خلقتني وانا عبدك وانا على عهدك ووعدك ما استطعت اعوذ بك من شر ما صنعت وابوء لك بنعمتك علي وابوء بذنبي فاغفرلي فانه لا يغفر الذنوب الا انت
  21. moodysalihamidzic
    moodysalihamidzic
    كل سنة وانتم طيبين